Ceisteanna Coitianta

Ceisteanna Coitianta

Céard é Nasc Áitiúil?

Soláthraíonn Nasc Áitiúil seirbhísí Iompair Phoiblí atá sábháilte, slán agus iontaofa i gceantair áitiúla agus i gceantair thuaithe na hÉireann.  Tá 15 oifig Nasc Áitiúil ann. Féach an Nasc Áitiúil i do cheantarsa chun mionsonraí teagmhála, amchláir agus faisnéis faoi bhealaí an Nasc Áitiúil is gaire duit a fháil. 

Conas is féidir liom teagmháil a dhéanamh leis an Nasc Áitiúil i mo cheantarsa?

Oibrítear oifigí Nasc Áitiúil ó Luan go hAoine, idir 9am agus 5pm, agus is féidir teagmháil a dhéanamh leo leis an teileafón nó le ríomhphost nó is féidir bualadh isteach san oifig le linn uaire oifige. Chun mionsonraí teagmhála a fháil i leith na hoifige is gaire duit tabhair cuairt ar an  Nasc Áitiúil i do cheantar féin.

Conas is féidir liom eolas a fháil faoi sheirbhísí Nasc Áitiúil i mo cheantarsa?

Tá 3 mhodh ann ina féidir leat eolas a fháil faoi nasc áitiúil i do cheantar féin.

Cén táille atá ann chun seirbhísí Nasc Áitiúil a úsáid?

Is féidir airgead tirim a úsáid chun táillí Nasc Áitiúil a íoc. Tá táillí éagsúla ann le haghaidh seirbhísí Nasc Áitiúil agus tá táillí ann le haghaidh ticéid shingile, ticéid fhillte, ticéid mhic léinn, ticéid linbh agus ticéid sheachtainiúla. Chun breathnú ar struchtúr na dtáillí tabhair cuairt ar leathanach na dTáillí. Glactar leis an bPas Saorthaistil ar gach Seirbhís Nasc Áitiúil.

Conas a chuirim suíochán in airithe?

Chun do shuíochán a chur in áirithe, déan áirithint go díreach leis an oifig Nasc Áitiúil a oibríonn an bealach lena mbaineann.

Is féidir suíocháin a chur in áirithe suas go mí amháin roimh ré.

An féidir liom ticéid a chur in áirithe agus/nó a cheannach ar líne?

Faoi láthair, níl aon chóras áirithinte ar líne ar fáil. Chun suíochán a chur in áirithe cuir teachtaireacht ríomhphoist chuig an oifig Nasc Áitiúil a oibríonn an bealach lena mbaineann nó cuir glaoch teileafóin ar an oifig sin.

Conas is féidir liom gearán a dhéanamh?

Más rud é go bhfuil tú míshásta le seirbhís, molaimid duit labhairt go díreach le d’oifig áitiúil Nasc Áitiúil ós rud é gurb í a oifig sin a bhainistíonn iarrataí ar sheirbhísí agus soláthar seirbhísí sa cheantar lena mbaineann.

An bhfuil gléas cúnta ann le haghaidh úsáideoirí cathaoireach rothaí agus paisinéirí a bhfuil a soghluaisteacht teoranta?

Ní mór seirbhísí d’úsáideoirí cathaoireach rothaí a chur in áirithe roimh ré. Chun teacht ar liosta seirbhísí ag a bhfuil gléas cúnta le haghaidh úsáideoirí cathaoireach rothaí déan teagmháil leis an oifig Nasc Áitiúil is gaire duit.